“МоЭнКо” ХХК 2010 оноос хойш нийгмийн хариуцлагын хүрээнд дотоодын итгэмжлэгдсэн их, дээд сургууль, МСҮТ-д суралцаж буй оюутан, сурагчдад сургалтын төлбөрийн дэмжлэг үзүүлэх төслийг амжилттай хэрэгжүүлж байгаа билээ. 2023-2024 оны хичээлийн жилд дараах мэргэжлийн чиглэлээр суралцаж буй оюутнуудын сургалтын төлбөрт дэмжлэг үзүүлэхээр “Оюутны тэтгэлэгт хөтөлбөр – МоЭнКо 2023” ээлжит тэтгэлгээ зарлаж байна. Энэхүү хөтөлбөрийн хүрээнд дараах шаардлага хангасан оюутнуудад нээлттэй байна. Үүнд: 2023-2024 оны хичээлийн жилд Монгол улсын магадлан итгэмжлэгдсэн их, дээд сургуулийн бакалаврын зэргийн 3, 4 дүгээр дамжааны Ховд аймгийн харъяат оюутнуудын 2022-2023 оны хичээлийн голч дүн 3.2 буюу түүнээс дээш байх; Бусад тэтгэлэгт хөтөлбөрт хамрагдаагүй байх. Хамрагдах хүрээ болон мэргэжлийн чиглэл: Уул уурхайн болон тоног төхөөрөмжийн инженер; Хөдөлмөрийн аюулгүй байдал эрүүл ахуй; Байгаль орчин; Хоол судлал; Цахилгааны инженер; Дулааны инженер; Мэдээлэл технологи /IT/; Хятад хэлний орчуулагч. Бүрдүүлэх материал: Компанийн тэтгэлгийн анкетийг ЭНД дарж татаж авна уу. Тэтгэлэг хүсэх болсон шалтгааныг тодорхой тайлбарласан хувийн өргөдөл; Сурлагын 3.2 болон түүнээс дээш голч дүнг баталсан дүнгийн тодорхойлолт; Сурлага, нийгмийн идэвх, сайн дурын ажлыг тодорхойлсон сургуулийн тодорхойлолт /бусад тэтгэлэгт хөтөлбөрт давхар хамрагдсан эсэхийг дурьдсан байх/; Өөрийн зорилгыг тодорхойлсон эссэ бичиж хавсаргах; Хувийн амжилтыг тодорхойлох баримт бичгийн хуулбар /хэрэв байвал/; Иргэний үнэмлэхний хуулбар; Оршин суугаа газрын тодорхойлолт. Материал хүлээн авах Холбогдох шаардлага хангасан оюутнуудын материалыг 2023 оны 10-р сарын 15-ны өдрийн 17:30 цаг хүртэл scholarship@mongolia-energy.com цахим хаягаар хүлээн авах. Анкет татах бол ЭНД дарна уу?
